Melanxoliya qavramına dair tibbi araşdırmalar edən Hippokrat, bu qavramı belə şərh edir — "Kədərli olub, əzab içində qıvranma, işıqdan, insandan qaçma, qaranlığı sevmə və tənhalığa sığınmaq vəziyyəti... Bu xəslətiklə qarın və diafraqma qismi ağrılı olur, xəstəlik payız başlanğıcında daha çox rast gəlinir, halsızlıq, istəksizlik və az yemək yemə kimi vəziyyətlərə yol açır."

Hippokrat, insan xarakterinin dörd mayenin əsasından əmələ gəldiyini deyib. Bu mayelər qara öd, sarı öd, qan və bəlğəmdir. Bunlardan qara öd mayesi melanxolik vəziyyətə səbəb verəndir. Təbii ki, o zamanlar belə düşünürdülər.

Hippokrata görə belədir ki — öd kisəsinin ifraz etdiyi mayenin quruyub tündləşməsi və zəhərə dönməsi nəticəsində, qara mədə mayesi meydana gəlir. Bu maye bütün bədənə təsir edib, eyni zamanda şüuru bulanıqlaşdırır. Və melanxoliya bu formada ortaya çıxır.

Linqvistik olaraq da melanxoliya, yunan dilində "melas" (qara) və "khole" (öd) kəlmələrindən yaranıb.